Hesabatlar və təqdimatlar

Hesabatlar və müzakirələr

Forumda ilk öncə Azərbaycanda İnternetin, bloqosferin, yeni medianın vəziyyəti ilə bağlı ilkin hesabat dinləniləcək. Hər bir forum iştirakçısı bu hesabatın hazırlanmasında iştirak edə bilər.

Bundan əlavə, regionlarda İnternetin hal-hazırki vəziyyəti haqqında da kiçik yazılı hesabat və ya video süjetlərin hazırlanmasına da ehtiyacımız var.

Hesabatların hazırlanmasında iştirak üçün forum(ət)bloqosfer.com ünvanı vasitəsi ilə Azər Nəzərovla əlaqə saxlamaq lazımdır.

Forum 2 hissədən ibarət olacaq.

1. İnteraktiv forum

Bu forum klassik qaydalarla yanaşı müassir tendensiyaları da özündə  əks etdirir.

• İlk öncə ekspertlərin  yeni media  ilə bağlı hazırladığı  hesabatlar dinləniləcək.

• Bu forumda müzakirə mövzuları təşkilatçılar tərəfindən öncədən deyil, forumun gedişatı zamanı iştirakçıların özləri tərəfindən  təyin olunur.

• Forum iştirakçıları müzakirə mövzularını təyin edərək kiçik qruplarda qərarlaşdırdıqları məsələləri müzakirə edəcəklər.

• Hər bir qrup müzakirə mövzularının nəticəsi olaraq problem və çıxış yollarından ibarət təqdimat hazırlayacaq.

• Bütün təqdimatlar plenar sessiyalarda dinləniləcək, müzakirə olunacaq və səsə qoyulacaq

• Sonra, bloqerlər kiçik paralel sesiyalarda öz təcrübələri və layihələri istiqamətində təqdimatlar edəcəklər.

• Sonda isə, təqdimatlar əsasında  Dövlət, Beynəlxalq qurumlara, Qeyri Hökümət Təşkilatına və geniş ictimaiətə  ümumi müraciət hazırlanacaq və səsə qoyulacaq.

2. Forumun ikinci hissəsi Barkamp formatında (qeyri-konfrans) olacaq və burada iştirakçılar öz təcrübələrini, nailiyyətlərini əks etdirən təqdimatlarla çıxış edə biləcəklər.

• Hər bir iştirakçı təqdimat hazırlaya bilər.

• Təqdimat etmək istəyən hər bir şəxs öz mövzusunu tədbir zamanı cədvələ özü daxil edəcək.

• Təqdimatlar 25 dəqiqə (aralarında 5 dəq fasilə) olmaqla 3 paralel sessiyada təşkil olunacaq.

• Təqdimatlar yalnız İnternet, yeni media və bloq mövzularında ola bilər.

• Təqdimatlar sizin təcrübənizi, ideyalarınızı və ya müəyyən təkliflərinizi və ya nailiyyətlərinizi  əks etdirməlidir.

• Aşağıdakı mövzularda təqdimat etmək olmaz:

A) Reklam xarakterli

B) Şablon-elmi-nəzəri

C) Siyasi və ya dini

Təqdimatlarla bağlı bütün suallarınızı aşağıda – şərhlərdə yaza bilərsiniz.

7 şərh : "Hesabatlar və təqdimatlar"