Bütün bloqçuları Bloqosfer 2011-də görməyə şad olarıq!

p.s. 2010 üçün nəzərdə tutulmuş saytda şərh yazmaq imkanı 23 iyul 2011-ci il tarixindən etibarən bağlanacaq.

Bu gün, Azərbaycan Media Mərkəzində Bloqosfer 2010 forumunun yekunlarına həsr olunmuş press konfrans keçirilmişdir. Tədbirdə Bloqosfer iştirakçılarının müzakirələri və səs vermələri nəticəsində seçilmiş mövzular üzrə təkliflər elan olundu. 

Forumun nəticəsi kimi təqdimatlardan çıxan 20 təklif BLOQOSFER 2010 FORUMUNUN MÜRACİƏTİ sənədində öz əksini tapmışdır. Bütün təklfilər əlaqədar qurumların diqqətinə çatdırılacaqdır.

Tədbirdə  Unibank ilə birlikdə elan olunmuş bloq yazıları müsabiqəsinin qaliblərinin adları da açıqlandı. Bunlar aşağıdakılardır:

Bloqosfer haqqında ən maraqlı yazı

Anar Əliyev – Bloqosfer 2010

Rüfət Əhmədzadə – Duzosfer

Hacı Hacıyev və Əhməd Muxtar – Bloqosferin məzəli kard arxası

Nə üçün Unibank bloqçulara dəstək olmalıdır?:

Tural Babayev – Unibank: “Nə üçün bloqçular?”

Bu bloqçular Unibankdan plastik kart və kiçik pul uduşları qazandılar. Bütün qalibləri təbrik edirik!

1. Bloqosfer haqqında ən maraqlı yazı. 3 bloq yazısı Unibank plastik kartı + 50 manat qazanacaqdır. (tənqidi yazılar da qəbul olunur )

2. Nə üçün Unibank bloqçulara dəstək olmalıdır? mövzusunda ən maraqlı material isə Unibank plastik kartı + 100 manat pul qazanacaqdır.

2-ci mövzu təkcə Bloqosfer iştirakçıları üçün deyil, bütün bloqçular üçün açıqdır. Materiallar yazı, foto və ya video süjet formasında bloqda yerləşdirilə bilər. Bloqlarınıza keçidləri bu postun şərhlərində yerləşdirə bilərsiniz.

Deadline: 24 sentyabr, saat 23:00

Qaliblərin adları 28 sentyabr tarixində keçiriləcək mətbuat konfransında elan olunacaqdır. Əlavə suallarınız olarsa təşkilat komitəsinə müraciət edin!

Hamıya uğurlar arzu edirik!

2 aya yaxın davam edən hazırlıq işlərinin nəticəsi olan Bloqosfer 2010 forumu  yekunlaşdı. Tədbirdə 100 nəfərə yaxın bloqçu, yeni media və İnternet mütəxəssisləri, dövlət, biznes, təşkilat nümayəndələri iştirak etdilər. Təklif olunan 18 mövzudan 7-si müzakirəyə çıxarıldı. Müzakirə mövzularından 5-inin təqdimatı səsvermə ilə qəbul olundu.

Barkamp üslubunda olan fərdi təqdimatlar hissəsində isə, 12 təqdimat yer aldı. Bütün təqdimatların faylları slideshare-də və saytımızda yerləşdiriləcək. Bundan əlavə, çıxışların video variantları da yutub kanalımızda yer alacaq.

Tədbirdə iştirak etmiş və bizə dəstək olmuş hər bir şəxsə  təşəkkürümüzü bildiririk.  Forum bitsə də, Bloqosfer layihəsi hələ ki, bitməyib – tezliklə nəticələrə həsr olunmuş mətbuat konfransı təşkil olunacaqdır.

Foruma olan böyük marağı nəzərə alaraq Təşkilat Komitəsi qeydiyyatı daha 3 gün artırır (8 sentyabr saat 22:00-a qədər). Bu müddətdə qeydiyyatdan keçən şəxslər yalnız öz hesabına və ya yarım öz hesabına foruma qoşula biləcəklər (regiondan olan iştirakçılar istisnadır).

Qeydiyyatdan keçmiş bütün iştirakçıların diqqətinə aşağıdakı məqamlərı çatdırmaq istəyirik:

1. Sizin seçilib-seçilməməyiniz haqqında məlumat 6-7 sentyabr tarixində e-mailinizə daxil olacaq.

2. Yalnız e-mail vasitəsilə müsbət cavab almış iştirakçılar tədbirə qoşula bilərlər.

3. Əgər siz qeydiyyatdan keçmisinizsə və 7 sentyabra kimi sizə heç bir cavab gəlməyibsə forum@bloqosfer.com ünvanına bu haqda məlumat yazın.

4. Və seçilmiş iştirakçılara iştirakla bağlı bütün məlumatlar e-mail vasitəsilə göndəriləcək.

Sonunda sizə bildirmək istəyirik ki, Bloqosfer 2010 Forumu Nabranda yerləşən Atlant İstirahət Mərkəzində keçiriləcək.

Forumda görüşmək ümidi ilə.

Bu günü Dünya Bloqosferi Beynəlxalq Bloq Günü kimi qeyd edir.  Hər bir bloqçu 31 avqustu öz peşə (maraq) günü hesab edə bilər. Bütün bayramlar kimi bu günün dən öz adət ənənələri var: bloqçu bu gündə aşağıdakıları etməlidir -

1. 5 yeni və maraqlı gələn bloq tapmalıyıq;
2. Həmin bloqlar haqqında kiçik bir yazı yazıb onlara keçid verməliyik;
3. Yazını mütləq elə məhz 31 avqustda post etməliyik;
4. BlogDay2010 teqini əlavə etməliyik və bayramın rəsmi www.blogday.org saytına keçid verməliyik.

Beləliklə, mənim şəxsi bloqum təmirdə olduğu üçün ənənəni burada davam etdirirəm:

1. Mənim əsas bloqum marketinq haqqında olduğu üçün ilk olaraq marketnq haqqında axtardım və www.maklayaq.com/ bloqunu tapdım. Çox xoşuma gəldi. Əhsən, uşaqlar!

2. Regionlar haqqında bloq axtardım – qusarcay.blogda.az tapdım. Yeni başlayan olsa da, gələcəyi parlaq ola bilən bir bloqa oxşayır.

Bu arada onu da tapdım ki, sən demə Quba Rayon İH də özünə bir bloq açıb -  qubaicra.canli.az/ lakin davam etdirə bilməyib

3. Yeni bloq layihəsi – www.wpusta.com. Bloqçuların ən sevimli və məşhur CMS sistemlərindən biri olan WordPress ilə Azərbaycanda məşğul olan veb ustalarının resursu. Kim WP-də ustalıq edirsə, saytdan çox faydalana bilər.

4. Axtarışlar nəticəsində Pərvin Şükürzadənin www.bir.az bloquna da gəlib çıxdım. Hələ ki, tam diqqətlə oxumamışam, amma görünüşdən maraqlı bloqa bənzəyir Adı da çox orijinaldır.

Yeri gəlmişkən, bir çox aktiv gənckərimizin özünə bloq açmasına baxmayaraq davam etdirə bilmədiyini axtarışlar zamanı bir daha hiss etdim.

5. Bu bloqla isə dünən tanış oldum – Yazıcı Nərmin Kamalın yeni bir bloqu – www.deffektiv.com – xoşuma gəldi!

Hə, yeni tapdığım bloqçularla da tanış olduq.  Bloqosfer adlı bir dünyanın bütün sakinlərini 10-12 sentyabrda, məlum məkanda gözləyirik. Qeydiyyatdan keçməyi unutmayın!

p.s. Əgər Siz də BlogDay yazısı yazmısınızsa, şərhlərdə yazınıza keçid qeyd edin.

1. Forumda maraqlı ola biləcək dostlarınıza və tanışlarınıza forum haqqında məlumat göndərmək,

2. Bloqunuzda və ya saytınızda Bloqosfer 2010 haqqında məlumat və fikirlərinizi yazmaq (keçid qoymağı unutmamaq şərtiylə),

3. Bloqunuza və ya saytınıza Bloqosferin bannerlərini yerləşdirərək. Sizə uygun ölçüdə olan banneri seçə bilərsiniz.

Əgər sizə lazım olan ölçüdə banner yoxdursa, həmin bölmədə şərhlərdə bunu qeyd edin, çalışarıq ki, həmin ölçüdə bir şey hazırlayaq Siz özünüz də banner hazırlayaraq yerləşdirə bilərsiniz və ya bizə gönədrin, bannerlər bölməsinə əlavə edək.

Bu işdə bizə  dəstək olduğunuz üçün təşəkkür edirik (bannerləri hazırlayanlara xüsusi təşəkkürlər). Əl-ələ verib forumumuzu daha da faydalı edə biləcəyimizə inanırıq.

Qızmar, süst yaydan sonra iş mövsümə bol-bol motivasiya və ideya ilə dolu başlayın! Bloqosfer 2010-a qeydiyyat açıq elan olunur!

“Bloqosfer 2010″ Soros fondunun dəstəyi ilə təşkil olunmağa başlasa da, yeni-yeni partnyorlarımızın qoşulması istisna deyil. Xəbərlərimizi izləyin.